Ansi Agolli, kapiteni i kombëtares para sfidës me Italinë është shprehur se gjendja e tij fizike është përmirësuar dhe në sfidën e së hënës është gati për të startuar nga minuta e parë, ndryshe nga se ç’ndodhi takimin me Spanjën.

Agolli në konferencën për shtyp saktësoi se për Shqipërinë nuk është e vlefshme vetëm arritja e rezultatit, por me rëndësi është edhe përmirësimi i lojës.

Për gjendjen fizike

“Kam punuar mirë këtë periudhë. Jam mjaft mirë fizikisht. Gjithmonë gjendja ka ardhur duke u përmirësuar. Janë dy skuadrat nga më të mirat në botë. Sidomos Spanja. Duhet një gjendje fizike e mirë për t’i përballuar.”

Ndeshja me Italinë në aspektin personal

“Këto ndeshje përjetohen me emocion ndryshe. Këto janë ndeshje që të ngrenë adrenalinën, nëqoftëse misteri do më fusë në formacion. I kemi analizuar gabimet e bëra me Spanjën. Nuk është i rëndësishëm vetëm rezultati, por të ngrihemi sa më shumë në lojën tonë.”

(e.k/BalkanWeb)