KATAR-Katari ka dërguar trupa tokësore në Jemen, raporton agjencia e lajmeve Al-Jazeera, me seli në Doha.
Njëmijë trupa tokësore, të mbështetura nga automjete të blinduara dhe helikopterë, raportohet se kanë hyrë në provincën Marib.
Javën e kaluar, 60 ushtarë nga koalicioni që udhëheq Arabia Saudite kundër rebelëve Huthi në Jemen, janë vrarë në Marib.
Në mesin e ushtarëve të vrarë nga rebelët, 45 kanë qenë nga Emiratet e Bashkuara Arabe, 10 nga Arabia Saudite dhe pesë nga Bahrejni.
Pas vrasjeve, aeroplanët e Emirateve kanë nisur sulme ajrore në gjithë Jemenin.
(d.d/BalkanWeb)