Që nga fillimi i pushtimit rus janë konfirmuar 3752 viktima gjatë sulmeve ruse.

Zyra e Komisionerit të Lartë të OKB-së për të Drejtat e Njeriut (OHCHR) bëri me dije se rreth 4, 062 civilë janë plagosur.

Shumica e qytetarëve kanë humbur jetën si pasojë e përdorimit të armëve shpërthyese, si granatimet e rënda.

“Shumica e viktimave civile të regjistruara u shkaktuan nga përdorimi i armëve shpërthyese, duke përfshirë granatimet nga artileria e rëndë dhe sistemet e raketave të shumta lëshuese, dhe sulmet me raketa dhe ajrore,” tha OHCHR, duke shtuar se numri aktual i vdekjeve mund të jetë edhe më i lartë për shkak se është i pamundur identifikimi i saktë në zonat ku lufta nuk është ndalur.

(BalkanWeb)