Forcat ukrainase kanë shtyrë edhe më tej drejt qytetit Kherson të pushtuar nga Rusia, tha të martën presidenti i Ukrainës Volodymyr Zelensky.

“Ushtria ukrainase po bën një avancim mjaft të shpejtë dhe të fuqishëm në jug të vendit tonë gjatë operacionit të vazhdueshëm mbrojtës”, tha Zelensky në fjalimin e tij të mbrëmjes. “Dhjetëra vendbanime janë çliruar tashmë nga pseudo-referendumi rus vetëm këtë javë”.

Në rajonin jugor të Khersonit, ai tha se qytetet Liubymivka, Khreshchenivka, Zolota Balka, Biliaiivka, Ukraiinka, Velyka, Mala Oleksandrivka dhe Davydiv Brid ishin çliruar të gjithë, “dhe kjo nuk është një listë e plotë”.

“Luftëtarët tanë nuk ndalen. Dhe është vetëm çështje kohe se kur do ta dëbojmë okupatorin nga gjithë toka jonë”, tha ai.

Kherson është një nga katër rajonet në Ukrainë që Rusia ka pretenduar se po anekson në kundërshtim me ligjin ndërkombëtar.