Një histori jo shumë e zakontë është zbuluar në qytetin e Kukësit. Një 72-vjeçari i janë zhvatur në periudha të ndryshme kohore 12 milionë lekë të vjetra nga një bashkëqytetar që e akuzonte për raporte seksuale me të shoqen.

50 vjecari Agron Nika siç raporton për “BalkanWeb” gazetarja Dorjana Bezatështë arrestuar nga seksioni për hetimin e krimeve të rënda, pasi në kohë të ndryshme nëpërmjet shtrëngimit me anë të kanosjes për dhënie pasurie i ka marrë 72 vjeçarit F. Gj. rreth 12 mln lekë të vjetra.

50 vjecari akuzonte 72-vjeçarin se kishte pasur raporte seksuale me gruan e tij dhe në këtë mënyrë kishte turpëruar atë dhe fisin e tij dhe në formë shpagimi duhet ta dëmshpërblente duke i dhënë para.

(BalkanWeb)