Ayo, artistja e njohur e fillimviteve 2000, vjen për herë të parë në Tiranë mbrëmjen e 28 qershorit në Amfiteatrin e Liqenit Artificial të Tiranës, duke dhënë një frymëmarrje më shumë në jetën artistike të kryeqytetit të shqiptarëve.

Ayo ka spikatur për talentin e saj në muzikë si instrumentiste që në moshë të vogël, madje ka shkruar këngën e saj të parë në moshën 15-vjeçare, kushtuar nënës së saj, ndërsa përsa i përket shijeve muzikore është ndikuar nga Pink Floyd, Felw Kuti, Donny Hathaway, Jimmy Cliff, Bob Marley.

Albumi i saj i parë “Joyful” u regjistrua në vitin 2006 dhe prej vitit 2007 turnetë e saj anembanë botës nuk kanë ndalur. Albumi i dytë “Gravity At Last” erdhi suksesshëm në vitin 2008 duke qenë për një kohë të gjatë në top listat franceze dhe në ato gjermane.

Albumi i tretë Billie Eve ishte sërish një sukses për Ayo-n kjo falë edhe bashkëpunimeve me emrat si Craig Ross (kitarist i Lenny Kravitz), reperi Saul Williams, Matthieu Chedid dhe Gail Ann Dorsey.

E njohur dhe e pëlqyer për stilin reggae dhe soul, Ayo do të performojë përpara publikut shqiptar sukseset e saj si: “Life Is Real” (2006), “Down on My Knees” (2006), “And It’s Supposed to Be Love” (2007) (2008, US), “Help is Coming” (2007), “Slow Slow (Run Run)” (2008), “On aime, on aide” (2009), “Lonely” (2009), “I’m Gonna Dance” (2011), “I Want You Back” (2011), “Fire” (2013), “Fire” featuring Youssoupha(2013), “Who” (2014), “I’m a Fool” (2017), “Paname” (2017).

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb