TIRANË
Kërcënohet kryetari i KQZ, Klement Zguri dhe familja e tij. Sot në KQZ kanë shkuar drejtuesit e lartë të Gardës e Policisë të cilët kanë marrë dëshminë e deklaratat e tij.
Kreu i KQZ dhe familja e tij është marrë në mbrojtje nga Garda dhe Policia.
Burime për “BalkanWeb” bënë me dije se kërcënimet kanë ndodhur pas mbledhjes së KQZ-së ku pati debat të ashpër dhe palët u përplasën për hapjen e kutive të 30 qershorit. Kërcënimet kanë qenë në adresë të tij dhe të familjes. Për shkak të këtyre kërcënimeve serioze Zguri është marrë në mbrojtje nga një numër i madh efektivësh të Gardës.
Kujtojmë se Zguri ka qenë kundër vendimeve të marra nga shumica e anëtarëve në KQZ të përfaqësuar nga nënkryetari Denar Biba dhe disa herë ka dalë publikisht hapur kundër vendimeve të marra nga ta.
(BalkanWeb)
