Një 43-vjeçar ka rënë në prangat e policisë pasi kërcënoi fqinjin e tij me armë. Uniformat blu bëjnë me dije se ngjarja ka ndodhur ka në Allias.

43-vjeçari B.M., gjatë një konflikti për motive të dobëta ka kanosur 42-vjeçarin F.K, duke qëlluar me armë zjarri në oborrin e banesës së 42-vjeçarit.  Ndërkohë me ndërhyrjes në kohë nga Policia, është parandaluar përshkallëzimi i mëtejshëm i  konfliktit.

Informacion- Finalizohet operacioni policor i koduar “Stroke”.

Operacioni i zhvilluar nga Komisariati i Policisë Nr. 4.

Falë ndërhyrjes në kohë nga Policia, parandalohet përshkallëzimi i mëtejshëm i një konflikti me armë zjarri.

Vihet në pranga 43-vjeçari që kërcënoi me armë fqinjin e tij.

Sekuestrohen arma e zjarrit kallashnikov dhe municion luftarak.

Shërbimet e Komisariatit të Policisë Nr. 4, pas marrjes së njoftimit se një shtetas kishte kërcënuar me armë zjarri fqinjin e tij, në Allias, kanë organizuar punën dhe kanë finalizuar operacionin policor të koduar “Stroke”, në kuadër të të cilit u bë kapja dhe arrestimi në flagrancë i shtetasit:

– B. M., 43 vjeç, banues në Allias, për veprat penale “Kanosja”, “Prodhimi dhe mbajtja pa leje e armëve luftarake dhe e municionit” dhe “Prishja e rendit dhe qetësisë publike”.

Ky shtetas, gjatë një konflikti për motive të dobëta, ka kanosur me armë zjarri fqinjin e tij, shtetasin F. K., 42 vjeç, duke qëlluar me armë zjarri në oborrin e banesës së 42-vjeçarit.

Në cilësinë e provës materiale u sekuestruan një armë zjarri kallashnikov dhe një sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.