Pas kërkesës së LSI për ndërprerjen e punimeve në projektin e Unazës së Re, Adnan Xholi prokuror në Prokurorinë e Përgjithshme i ka dërguar një letër, kryetares se kesaj force politike, Monika Kryemadhi.
Në letrën drejtuar Kryemadhit, prokurori Xholi shpall moskompetencën e Prokurorisë së Përgjithshme në lidhje me çështjen, duke ia kaluar përgjegjësinë, Prokurorisë së Tiranës.
“Çështja jo kompetencë e Prokurorisë së Përgjithshme, por kompetencë e Prokurorisë së Tiranës”, shkruhet në letër.
Kujtojmë që pak ditë më parë përmes një letre që mbante firmën e saj, numri një i LSI-së kërkonte nga kryeprokurorja, Arta Marku pezullimin e punimeve në të gjithë projektin e Unazës së Re deri në sqarimin përfundimtar të rrethanave të kësaj cështjeje.
(BalkanWeb)
