TIRANË

Ambasada e Shteteve të Bashkuara në Tiranë ka shpërndarë një njoftim për të gjitha ata që janë të interesuar për punësim përmes  vizës  EB-3.  Duke dhënë të gjithë këshillat përkatëse, ambasada shton se të interesuarit duhet të kenë shumë kujdes dhe të mos bien pre e këshillave të gabuara apo çmimeve të larta, që vijnë nga burime të tjera, por sipas saj, të gjitha informacionet e sakta gjenden në adresat e mëposhtme.

 Njoftimi:

“Jeni në kërkim të punësimit nëpërmjet vizës EB-3 të imigrimit me bazë punësimi në Shtetet e Bashkuara? Ne ju këshillojmë që të përzgjidhni me shumë kujdes këshilluesin tuaj. Mos bini pre e këshillave të gabuara apo çmimeve të larta nga çdo burim. Gjithnjë kërkoni informacion zyrtar në ? www.uscis.gov

Ju duhet të keni aftësitë e kërkuara për vendin e punës, punëdhënësi duhet të dërgojë formularët e kërkuar në Departamentin e Punës dhe USCIS, dhe vetëm më pas NVC do të caktojë takimin tuaj në Sektorin Konsullor. #pyetanen”-njofton ambasada.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb