Ish-deputetja e LSI-së Floida Kërpaçi ka takuar sot në Tiranë, disa nga gjimnazistët e kryeqytetit.

Kërpaçi tha se gjimnazistët e Tiranës dhe të gjithë Shqipërisë do e ndëshkojnë Edi Ramën, për premtimet e tij të pambajtura në 7 vjet.

Postimi i Floida Kërpaçit:

Bashkë me Biornin, Piterin, gjimnazistët e Tiranës do të ndëshkojnë me votë premtimet e pambajtura të Ramës në 7 vite.

Ai sot premton rritje pagash si të ishte kryetar opozite, ndërkohë ka 8 vjet në pushtet që premton dhe nuk realizon. Premtoi 300,000 vende pune në 2013, por jo vetëm që vendet e punës nuk u hapën, por jemi vendi i parë në rajon për emigrimin masiv dhe i treti në botë për azilkërkues.

Premtoi shëndetësi falas, por pagesat e familjeve shqiptare për shëndetin janë shtuar, ndërsa mjekët dhe infermierët u larguan.

Premtoi arsim por solli rrënim. Rama premtoi perspektive dhe mashtroi.

Ndaj në 25 Prill rinia e Tiranës dhe Shqipërisë do të votojë masivisht për të ndërtuar vetë perspektivën që meriton!

#ShqipëriaShtëpiaJuaj

(d.xh/ balkanweb)