Më shumë se 30 vende, duke përfshirë SHBA-në, Britaninë dhe Francën, kanë premtuar mbështetjen e tyre për ndalimin e sportistëve rusë dhe bjellorusë të konkurrojnë në ngjarje sportive ndërkombëtare, thuhet në një deklaratë nga qeveria e Mbretërisë së Bashkuar.
Deklarata vjen pasi ministritë nga 35 vende morën pjesë në një takim online në fillim të këtij muaji për të diskutuar ndalimin e sportistëve rusë dhe bjellorusë nga Lojërat Olimpike të Parisit 2024.
Komiteti Olimpik Ndërkombëtar ka hapur derën për sportistët rusë dhe bjellorusë që të konkurrojnë si neutralë, duke argumentuar se përfshirja e tij e rusëve dhe bjellorusëve bazohet në një rezolutë të OKB-së kundër diskriminimit brenda lëvizjes olimpike.
Por në deklaratën e publikuar sot, grupi prej 30 vendeve tha se ka “shqetësime serioze se sa e mundshme është që atletët rusë dhe bjellorusë të konkurrojnë në baza neutrale, duke qenë se financohen dhe mbështeten drejtpërdrejt nga shteti i tyre”.
