Kostot dhe dëmet nga pandemia po grumbullohen. Mijëra amerikanë u futën në karantinë, 16.8 milionë humbën punën e tyre, dhe afro 17,000 vdiqën.

Kongresi ka miratuar tre fatura që garantojnë 2.3 miliardë dollarë ndihmë për ekonominë. Dikush duhet të paguajë për këtë dëm, dhe se ai dikush duhet të jetë Kina, shkruan Washington Post.

Një nga gazetat më me ndikim në SHBA dhe në botë pretendon se askush nuk mund ta fajësojë Kinën për daljen e virusit jashtë kontrollit, por se mund dhe duhet të fajësohet sepse gënjeu para botës për rëndësinë e situatës dhe kështu parandaloi një reagim më të mirë global që do të parandalonte përhapjen e infeksionit, transmeton Telegrafi.

“Të gjithë e dimë se virusi u shfaq për herë të parë në Hubei në mes të nëntorit. Autoritetet kineze e dinin që coronavirusi transmetohej nga njeriu tek njeriu në atë lokalitet, sepse gjithnjë e më shumë mjekë po sëmureshin”, thuhet në gazetë.

OBSH tha më 14 janar se Kina nuk kishte prova të forta se virusi po përhapet nga një person në tjetrin dhe të nesërmen Qendra Kineze për Parandalimin e Sëmundjeve Infektive tha që rreziku i një transmetimi të tillë ishte shumë i ulët.

Kina, sipas Washington Post, ka zvogëluar kështu shanset e SHBA-së për t’u përgatitur më mirë për ato që vijnë më pas. Universiteti i Teksasit, i cili ka shumë vite që bashkëpunon me kolegët nga Wuhan, u kërkoi atyre që t’u dërgonin mostrat e virusit. Universiteti Wuhan u pajtua, por qeveria kineze bllokoi shpërndarjen e virusit te amerikanët disa ditë më vonë.

Universiteti i Southampton arriti në përfundimin se nëse bota do të kishte reaguar tre javë më parë, Pekini do të kishte qenë 95 për qind më pak i infektuar dhe nuk do të ishte shpallur një pandemi.

“Gënjeshtrat kineze nuk ndalen. Inteligjenca amerikane ka arritur në përfundimin se Kina gënjeu për numrin e të infektuarve dhe të vdekurve dhe nuk pranoi t’u sigurojë shkencëtarëve amerikanë informacione të rëndësishme për të kuptuar se si sillet virusi. Kjo është më shumë se pakujdesi. Ata po përhapnin dezinformata dhe pengesa”, shkruan Washington Post.

“Kina duhet të mbahet përgjegjëse për këtë. Mjekët dhe biznesmenët amerikanë kanë ngritur padi kundër Partisë Komuniste Kineze, dhe Kongresi Amerikan duhet t’i mbështesë ata”, përfundon gazeta amerikane.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb