Kina kërkon të luajë rolin si ndërmjetësuese e paqes mes Ukrainës dhe Rusisë, deklaroi ministri i jashtëm kinez.
Më herët sot, ministrja e jashtme gjermane Annalena Baerbock, nga një konferencë të përbashkët shtypi me homologun e saj kinez, tha se Kina mund të luajë një rol vendimtar në përfundimin e luftës në Ukrainë si një anëtare e përhershme e Këshillit të Sigurimit të OKB-së.
Qin Gang tani ka thënë se Kina as nuk do të “vëzhgojë zjarrin nga bregu tjetër” dhe as “do t’i shtojë benzinë zjarrit”.
Kujtojmë se gjatë muajit shkurt, Kina bëri thirrje për një armëpushim dhe bisedime paqeje në Ukrainë.
Ministria e Jashtme e Pekinit u bëri thirrje të gjitha palëve që “të shmangin ndezjen e flakëve dhe përkeqësimin e tensioneve” me shpresën për të parandaluar që kriza të “përkeqësohet më tej ose të dalë jashtë kontrollit”. Ajo gjithashtu zbuloi një plan paqeje prej 12 pikash për Ukrainën.
Por propozimi u cilësua si një “përpjekje për marrëdhënie me publikun” nga Kina, e cila një vit më parë tha se kishte një “miqësi pa kufi” me Rusinë.