Të paktën një person e ka humbur jetën sot ndërsa 14 të tjerë u plagosën në një incident të rrjedhjes së gazit në Kinë

Incidenti ndodhi në një vendbanim në rajonin Hohhot të Mongolisë së Brendshme të Kinës Veriore, raportuan mediat shtetërore.

“Sipas hetimeve paraprake, është shkaktuar një rrjedhje gazi nga një tubacion. Hetimet e mëtejshme janë duke u zhvilluar”, raportoi e përditshmja kineze Global Times.

Ndërkohë, katër gjeologë kinezë të zhdukur u gjetën të vdekur herët të hënën në provincën Yunnan të Kinës jugperëndimore.

Gjeologët kishin hyrë në malet Ailao më 13 nëntor për të vëzhguar burimet pyjore.

Të paktën 560 shpëtues, në 13 grupe, ishin vendosur për të kërkuar gjeologët e zhdukur, misioni i të cilëve u ndihmua nga dronët dhe detektorët infra të kuqe ajrore.