ANKONA

Një shqiptari 38 vjeç i cili zbarkoi nga një anije nga Durrësi për në Ankona, iu gjetën 16 kilogramë heroinë. Shqiptari akuzohet për tregti droge.

Lënda narkotike u zbulua të enjten, 16 janar, ndërsa lajmi u bë i ditur sot nga organet e drejtësisë italiane. Edhe pse droga ishte fshehur në një kamion, nuk i ka shpëtuar dot qenve të antidrogës në Ankona. Këta të fundit bënë zbulimin, kurse burri nga Shqipëria nuk diti as të përgjigjet për ngarkesën që iu gjet.

Media italiane “Ansa” shkruan se shqiptari u la në “arrest me burg” këtë mëngjes në qelitë e Montacuto. Heroina ishte fshehur në disa qoshe të automjetit. Hetuesit italianë janë duke hetuar se nga nisej shqiptari, ku shkonte dhe çfarë lidhjesh kishte ai.

(d.xh/ Balkanweb)