Karabinierët e Seksionit Operativ në Perugia të Italisë arrestuan një 30-vjeçar shqiptar pasi u kap duke shiitur lëndë narkotike.
Forcat e policisë panë 30-vjeçarin duke dalë nga një shkurre, në një zonë të qytetit të njohur për aktivitetin e saj të trafikut të drogës dhe menjëherë vazhduan kontrollin fizik, duke gjetur brenda xhaketës që kishte veshur një paketim karamelesh me 38 mbështjellës me rreth 20 g kokainë.
Brenda shtëpisë së të arrestuarit u gjetën 7 doza kokainë, me peshë totale 5 gramë dhe një zarf më i madh, me peshë 95 gram.
Në një raft të një mobilie tjetër u gjet më pas një guaskë maniti që përdorej për prerjen e lëndës narkotike, një thikë dhe copa celofani që përdoreshin për paketimin e dozave, një shirit preciz dhe midis faqeve të një bllku të vjetër u gjet shuma prej 685 € në kartëmonedha të prerjeve të ndryshme që dyshohet se kanë ardhur nga sahpërndarja e lëndës narkotike.
(BalkanWeb)