Besojeni ose jo por Lionel Messi mund të largohet nga Barcelona falas, pavarësisht se në kontratën e re të nënshkruar nga ai parashikohet një klauzolë largimi që kap shifrën e 700 mln eurove.
Lajmin e bën të ditur “El Mundo Deportivo” e cila raporton se Barcelona do ta humbasë Lionel Messi-n me kosto zero në rast se Katalonja fiton pavarësinë. Jo më kot ylli argjentinas priti të kalonte situata e trazuar në këtë rajon për të firmosur kontratën e re që e bën futbollistin më të paguarin në botë.
Por ka edhe një mundësi tjetër për Barcelonën sipas “El Mundo Deportivo-s” për të marrë paratë e klauzolës në rast se Katalonja shpallet e pavarur. Kjo ka të bëjë me mundësinë që klubi ka për tu integruar në një nga kampionatet e tjera si “Premier League”, “Bundesligë” apo “Ligue 1”.
Siç shpjegohet nga “EL MUNDO”, klubi katalanas do të paguajë për Messi-n një shpërblim bruto prej 100 milionë eurosh, që do të shpërndahet gjatë sezoneve të ardhshme. Kjo shumë e shtuar në kartelë do të dërgojë në 35 milionë euro neto fitim në vit, 70% më shumë se sa merr Cristiano Ronaldo.
Këto shpërblime nuk përfshijnë të drejtat e imazhit, të cilat janë të rezervuara për shfrytëzim të plotë, as bonuset. Vetëm shifrat e rëna dakord nga ish-shoku i tij, Neymar me PSG, janë të afërt me ato që është pajtuar Messi me Barçën.
(e.k/BalkanWeb)
