Ambasadori i BE në Tiranë, Luigi Soreca ka përshendetur përmes një statusi në twitter, procesin për përzgjedhjen e anëtarëve të Këshillit të Lartë Gjyqësor.
“Më shumë se 300 gjykatës mblidhen sot për të zgjedhur 6 anëtarë të KLGJ. Ky votim do t’i japë formë sistemit të drejtësisë dhe do të forcojë luftën kundër krimit të organizuar dhe korrupsionit në Shqipëri. Bashkimi Evropian mbetet plotësisht i përkushtuar të mbështesë Shqipërinë për t’i mundësuar drejtësi të gjithë qytetarëve të saj.” Shkruan Soreca në Twitter.
Gjykatësit janë mbledhur sot për të përcaktuar 6 anëtarët Këshillit të Lartë Gjyqësor. Ashtu si në KLP, edhe sot në garë janë 10 gjyqtarë, të cilët do të sfidojnë njëri-tjetrin për gjashtë vende në këtë institucion. Në procesin e zgjedhjes së gjykatësve janë të pranishëm edhe përfaqësues të trupit diplomatik në Shqipëri.
More than 300 judges are meeting today to elect 6 members of the HJC. This election will shape the ?? justice system and strengthen the fight against #organisedcrime and #corruption in ??. The #EU ??remains fully committed to support ?? to deliver justice to all its citizens.???? pic.twitter.com/PkWdK8f9PA
— Luigi Soreca?? (@LSorecaEU) December 12, 2018
