Maja Kocijançiç, zëdhënëse e Përfaqësueses së Lartë të Bashkimit Evropian për Politikë të Jashtme dhe Siguri, Federica Mogherini, ka thënë tha sot se Strategjia e Zgjerimit të Bashkimit Evropian mbulon të gjithë rajonin Ballkanit Perëndimor dhe u bëri thirrje mediave të presin prezantimin zyrtar të dokumentit më 6 shkurt në Strasburg.

Kocijançiç, duke iu përgjigjur pyetjes së gazetarëve për dokumentin e Spanjës në formën “non paper”, sipas të cilit Kosova nuk është pjesë e procesit të integrimit evropian, tha se duhet të pritet prezantimi zyrtar i dokumentit të Komisionit Evropian dhe pastaj të dëgjohen opinionet e shteteve anëtare, përcjell tg.

Ajo vlerësoi se Strategjia është një dokument i rëndësishëm dhe është vetëm një nga hapat e rëndësishëm për Ballkanin Perëndimor këtë vit. Kocijançiç paralajmëroi se në prill do të publikohet raporti mbi performancën e vendeve të rajonit në procesin e integrimit evropian, pastaj në maj në Sofje do të mbahet samiti i Bashkimi Evropian – Ballkanit Perëndimor.
(BalkanWeb)