DRENOVE
Kamber Hoxha është shefi i ri i policisë së burgjeve në Drenovë.
Hoxha u komandua në krye të Burgut të Drenovës nga Drejtoria e përgjithshme e burgjeve në vend të Adriatik Parisit, i cili u pezullua nga detyra në shtator si Shef i Policisë së Burgjeve në Korçë.
Pezullimi i Adriatik Parisit erdhi në kuadër të luftës kundër korrupsionit në sistemin e burgjeve, fenomen që ka vënë në rrezik sigurinë e burgut te Drenovës.
Kjo është hera e dytë në harkun kohor të dy viteve që Adriatik Parisi pezullohet nga detyra.
Në mars të vitit 2017 ai u pezullua për futje të lëndëve narkotike në burg.
(BalkanWeb)