Komisioneri i BE-së për Fqinjësinë dhe Zgjerimin, Oliver Varhelyi është takuar me kryeministrin Edi Rama, teksa ka bërë të ditura disa nga temat e takimit.
Varhelyi ka publikuar një foto me kryeministrin Rama në “Twitter”, ku shkruan se kanë diskutuar për nevojën e hapjes sa më të shpejtë të negociatave të anëtarësimit me BE.
“Sot: Diskutuam nevojën e hapjes sa më të shpejtë të negociatave të anëtarësimit në #BE me #Shqipëri si dhe zbatimin e Planit Ekonomik dhe Investimeve për #Ballkanin Perëndimor, në mënyrë që projektet të marrin jetë me shpejtësi në të mirë të njerëzve”, shkruan Varhelyi.