Komisioni i Disiplinës së FSHF ka vepruar me ‘dorë të hekurt’ ndaj ekipeve të Superligës që kanë kryer shkelje.
Në fakt, Tirana, Vllaznia dhe Skëndërbeu e kanë pësuar prej sjelljes së gabuar të tifozëve. Ato janë gjobitur me nga 50 mijë lekë.
Ndërkohë Teuta është gjobitur kurse Partizani është paralajmëruar për të njëjtën arsye, mosvendosjen e stemës së sponsorit të Superligës në mëngën e djathtë të fanellës.
NJOFTIMI NGA FSHF
1. KF Tirana, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
2. KF Vllaznia, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
3. KF Teuta, për mos respektim të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS dënohet me gjobë në masën 50.000 (pesëdhjetë mijë) lekë.
4. KF Skënderbeu, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
5. FK Partizani, në bazë të nenit 12 të KDS, paralajmërohet se në rast të përsëritjes së mos vendosjes së stemës së Abissnet Superiore, në mëngën e djathtë të fanellës së lojës, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
(BalkanWeb)
