Qeveria amerikane njoftoi sot për një investim të ri prej një miliard dollarësh në projektin për vaksinën të kompanisë “Johnson & Johnson”, me të paktën 100 milionë doza të garantuara të saj.

“Kjo shumë e re do të financojë një projekt demonstrimi për prodhimin në shkallë të gjerë të vaksinës eksperimentale”, tha qeveria.

Gara për vaksinat kërkon fillimin e prodhimit paralelisht me provat klinike dhe potencialisht në humbje, edhe para se të dihet nëse vaksina është efikase.

Qeveria amerikane ka shpenzuar, gjithashtu, miliarda në ndërtimin e vendeve të prodhimit, për ndërmarrjet që prodhojnë shiringa e shishka, që do të nevojiten për të shpërndarë vaksinën/at e ardhshme.