Diplomacia amerikane është shprehur “thellësisht e shqetësuar dhe e zhgënjyer” nga dënimi me burgim të përjetshëm të turkut Osman Kavala, i cili u akuzua për komplot për të rrëzuar qeverinë e Presidentit Recep Tayyip Erdogan.
“Ky dënim i padrejtë bie ndesh me respektimin e të drejtave të njeriut, lirive themelore dhe sundimit të ligjit”, tha në një deklaratë zëdhënësi i Departamentit të Shtetit Ned Price.
“Ne i bëjmë thirrje sërish Turqisë që të lirojë Osman Kavalën”, tha Departamenti i Shtetit në një deklaratë.
Kavala u shpall fajtor për përpjekje për të përmbysur qeverinë turke duke financuar demonstratat. Gjykata Evropiane e të Drejtave të Njeriut dhe qeveritë perëndimore e kanë quajtur një persekutim politik gjykimin e një biznesmeni dhe filantropi, një “dele e zezë” në qeverinë Erdogan.
“Ne mbetemi shumë të shqetësuar për goditjen ligjore të vazhdueshme ndaj shoqërisë civile, medias, politikanëve dhe biznesmenëve në Turqi”, tha Departamenti i Shtetit në një deklaratë.