Maluma, një nga këngëtarët më të famshëm në botë pritet të mbajë nesër koncertin e tij të parë në Tiranë.
Por, reperi Arkimed Lushaj i njohur si Stresi u ka bërë thirrje ndjekësve që të bojkotojnë këtë koncert. Në një postim në rrjete sociale, Stresi thotë se populli nuk ka bukë për të ngrënë, ndërkohë që për organizimin e këtij koncerti kërkohen rreth 700 mijë euro.
“Populli nuk ka bukë për të ngrënë? Dhe e dini sa ka shkuar kostoja e këtij koncerti? Mbi 700 mijë euro organizim. Bojkotojeni këtë koncert”, shkruan Stresi.
Përveç Maluma-s, në këtë koncert do të këndojë edhe artistë shqiptarë si Ronela Hajati dhe Elgit Doda.
(BalkanWeb)