Armenia dhe Azerbajxhani ranë dakord të shtunën për një armëpushim të ri humanitar për luftimet mbi enklavën etnike të Azerbajxhanit, të kontrolluar nga armenët, të Nago-Karabakut, thanë të dy vendet në deklarata identike.
Azerbajxhani dhe Armenia kishin akuzuar njëra-tjetrën më herët të shtunën për sulme të reja në shkelje të një armëpushimi një-vjeçar të ndërmjetësuar nga Rusia, që nuk kishte arritur të ndalte luftimet më të këqija në Kaukazin e Jugut që nga vitet 1990.
Bakuja tha se 13 civilë u vranë dhe më shumë se 50 u plagosën në qytetin Ganja nga një sulm me raketa armene, ndërsa Jerevani akuzoi Azerbajxhanin për bombardime të vazhdueshme.
Luftimet janë më të këqijat në rajon që kur Azerbajxhani dhe forcat etnike armene shkuan në luftë në vitet 1990 mbi Nago-Karabakun, një territor që njihet ndërkombëtarisht si pjesë e Azerbajxhanit, por i populluar dhe qeverisur nga armenët etnikë.
Ministri i Jashtëm rus Sergei Lavrov, i cili ndërmjetësoi bisedimet e armëpushimit një javë më parë, bisedoi me homologët e tij armenë dhe azerbajxhanas me telefon të shtunën dhe theksoi se armëpushimi duhet të respektohet, tha Ministria e Jashtme ruse.
Ministria e jashtme e Nago-Karabakut tha në një deklaratë pas njoftimit: “Ne mirëpresim përpjekjet e Bashkëkryesuesve të Grupit Minsk të OSBE-së, si dhe Armenisë për të arritur një armëpushim në zonën e konfliktit Azerbajxhan-Karabak si dhe për të ulur tensionet”.
(d.xh/ balkanweb)
