DELVINE– Një ngjarje e rëndë ka ndodhur gjatë pasdites së sotme në Delvinë, teksa një 4-vjecare është helmuar, pasi ka pirë ilaçet e tensionit të gjyshes së saj aksidentalisht.
Mësohet se 4-vjecarja me inicialet F.A është dërguar fillimisht në gjendje të rëndë në spitalin e Sarandës dhe pas ndihmës së parë është nisur me helikopter drejt Tiranës për mjekim më të specializuar.
Sipas bluzave të bardha nga spitali i Sarandës, e mitura ka shkuar në spital në gjendje intoksikacioni medikamentiz me çrregullime elektrolitike.
Vijojnë hetimet për zbardhjen e plotë të shkaqeve dhe rrethanave të ngjarjes.
(BalkanWeb)