Koreja e Veriut dyshohet se të shtunën, më 7 maj, lëshoi një raketë balistike të projektuar për t’u lëshuar nga një nëndetëse, tha ushtria e Koresë së Jugut.

Shefat e Shtabit të Koresë së Jugut thanë se lëshimi ndodhi nga ujërat pranë qytetit port të Sinpo, ku Koreja e Veriut ka një kantier detar të madh që ndërton nëndetëse, por nuk u tha menjëherë se sa larg fluturoi raketa.

Gjithashtu nuk ishte e qartë nëse nisja do të kishte përfshirë një nëndetëse aktuale apo një platformë testimi nënujore.

Ministria e Mbrojtjes e Japonisë konfirmoi gjithashtu nisjen e raketës, por nuk publikoi menjëherë detajet.

Kryeministri japonez Fumio Kishida urdhëroi zyrtarët të përgatiten për të gjitha “situatat e paparashikueshme” dhe kërkoi të shtojnë sigurinë e avionëve dhe anijeve.

Nisja e kësaj rakete balistike siç raportohet ishte demonstrimi i parë i Koresë së Veriut të një sistemi balistik të shkrepur nga nëndetëset që nga tetori i vitit të kaluar, kur ajo testoi një raketë të re me rreze të shkurtër veprimi nga Yongung – nëndetësja e saj e vetme e aftë për të gjuajtur një raketë të tillë.

Për Korenë Veriore, ky ishte testimi i parë i një rakete të tillë që nga viti 2019.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb