ITALI

Kryeministri i Italisë Giussepe Conte ka drejtuar gishtin drejt një spitali në veri të Italisë ku thotë se nuk e menaxhoi situatën me koronavirusin siç duhet.

Bëhet fjalë për spitalin ku u karantinua personi i parë me koronavirus dhe Conte bën me dije se shkaku i përhapjes kaq masive të koronavirusit në Itali është edhe mënyra e menaxhimit jo në mënyrë të duhur, dhe jo sipas protokollit e këtij spitali lidhur me pacientin me koronavirus.

Por më tej Conte ka thënë se qeveria italiane vijon të luftojë me rigorozitet virusin dhe thotë me siguri që po bëhet maksimumi çdo ditë dhe natë për këtë gjë.

Italia është bërë tashmë kryeqendra e koronavirusit në Europë teksa numëron 7 viktima dhe 231 të prekur. Po ashtu ajo përbën rrezik edhe për Shqipërinë edhe pse momentalisht shumica dërrmuese e rasteve janë në zonën veriore të Lombardisë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb