I dërguari i Bashkimit Evropian për dialogun mes Kosovës dhe Serbisë, Miroslav Lajçak, ka shkaktuar polemika të ashpra, për shkak të hartës që mban në zyrë.
Gjatë një interviste në zyrën e tij, bëri bujë harta e filmuar, ku sipas interpretimeve thuhej se e shfaq Kosovën si pjesë të Serbisë. Në një reagim zyrtar në faqen e tij të “Tiwtter”, i dërguari i BE publikon hartën e plotë, që mban në zyrë, duke thënë se është kapur në mënyrë të paqartë dhe ka shkaktuar keqkuptime.
“Ndërsa harta në zyrën time, e kapur e paqartë gjatë intervistës sime, ka shkaktuar disa keqkuptime sot, unë po ndaj një foto të saj nga afër. Është një hartë zyrtare e BE dhe Ballkanit Perëndimor. Kosova është atje dhe po ashtu është linja që ndan Kosovën nga Serbia”, shkruan Lajçak.
As the map in my office in the blurred screenshot of my interview has caused some misperceptions today, I am sharing an actual close-up photo of it. It is an official EU map of the Western Balkans. Kosovo is there and so is the line separating Kosovo from Serbia. pic.twitter.com/VXFggOLmug
— Miroslav Lajčák (@MiroslavLajcak) February 25, 2021
(BalkanWeb)
