Botërori i Katarit mezi po pritet nga tifozët, të cilët do bëjnë tifo për skuadrën e zemrës nga shkallët e stadiumeve. Lojtari i 12-të ka nisur prej kohësh interesimin për të siguruar një biletë, teksa në raundin e parë janë shituar 800 mijë bileta.
Një problem më vete mbeten edhe shpenzimet personale, e si duket do jenë të mëdha. Disa tifo-grupe kanë shprehur shqetësimin e tyre për mënyrën sesi do akomodohen dhe jo gjithçka do shkojë siç duhet.
Sipas llogarive të bëra nga Shoqata e Tifozëve në Angli, pa përfishirë konsumin, shpenzimi do shkojë diku te 5 pijë paund. Shifër kjo e konsiderueshme, që ka stepur shumë persona që kanë shprehur dëshirën për të qenë në Katar.
Kursimi është një mundësi, vetëm nëse anglezët eliminohen që në fazën e grupeve. Nëse ndodh kështu, juve ju mjaftojnë vetëm 2 mijë paund.
Shumë tifozë kanë filluar prenotimin, teksa Katari mbetet një eveniment fantastik vetëm për të pasurit. Botërori fillon me 21 nëntor dhe përfundon me 18 dhjetor.
(BalkanWeb)