KOSOVE

Ish-kryetari i Kuvendit të Kosovës Jakup Krasniqi ka kritikuar qëndrimin e disa partive opozitare kundër dialogut me Serbinë. Thotë se miqtë e Kosovës kanë kërkuar unitet sa i përket bisedimeve në Bruksel.

“Janë inate politike”, thotë Krasniqi  në T7.

“E kuptoj opozitën që të kritikojë koalicionin qeverisës në të gjitha punët e brendshme por nuk mund ta arsyetoj kur është çështja e bisedimeve me palën serbe duke pasur parasysh kërkesën e SHBA’së dhe BE’së që pala shqiptare të ketë qëndrim të unifikuar”, tha Krasniqi.

Ndërkohë Kryetari i Këshillit Kombëtar të Nismës Socialdemokrate thotë se ideja e shkëmbimit të territoreve është ide e Serbisë.

“Unë mendoj që ideja për ndryshimin e kufijve, ideja për të shkëputur hapësira të Kosovës nuk është ide e Thaçit, është ide e kahmotshme e Serbisë që në këtë rast është rikthyer përmes Thaçit’, theksoi ai.

“Vazhdimi i idesë serbe për korrigjim kufijsh dhe për lëvizje të hapësirave është antikushtetuese por nuk është e Thaçit”, tha Krasniqi.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: