FIER- Policia e Fierit ka arrestuar sot një 22-vjeçar nga fshati Kallm pasi dyshohet se ka kryer marrëdhënie seksuale me një 13-vjeçare.

Minorenia ishte larguar prej disa ditësh nga shtëpia dhe policia e ka gjetur me të riun, të cilit i ka vënë prangat. Gazetari Evis Kuci tha për “BalkanWeb” se të dy janë marrë në pyetje nga policia e Fierit dhe kanë pohuar se janë të lidhur prej kohësh.

“Kam lidhje serioze me Oltin”, ka thënë e mitura, e cila disa herë ishte larguar nga shtëpia. Por vetëm këtë herë prindërit pasi kanë konstatuar largimin kanë lajmëruar policinë për vajzën. Edhe i riu ka pohuar se janë të lidhur prej kohësh. “Jemi të dashuruar, nuk e kam marrë me zor”, ka thënë 22-vjeçari Oltjon Buzi në polici.

Ai akuzohet për veprën penale “Marrëdhënie seksuale me të mitur”, por me sa mësohet 22-vjeccari dhe 13-vjeccarja kanë kryer marrëdhënie edhe më parë.

(m.k/BalkanWeb)