Deputetja e PD-së, Jorida Tabaku ka zhvilluar sot një takim me kryetarin e Komisionit të Jashtëm të PE David Mc.Allister.

Përmes një mesazhi në ‘Facebook’, Tabaku zbuloi detaje nga takimi, ku fokusi ishte rezoluta për Shqipërinë e Parlamentit Europian.

MESAZHI I TABAKUT
??? Zhvillova një takim me David McAllister një njohës shumë i mirë i politikës shqiptare që ka ardhur edhe në ditë të vështira për Shqipërinë.
Bashkë me të ishin dhe përfaqësues të Parlamentit Europian, ku u diskutua mbi rezolutën për Shqipërinë të Parlamentit Europian ??.
Veçanërisht pata mundësinë të diskutoja me të problemet që ishin prekur në Rezolutë:
Si fillim, që ndryshimi i Kodit Zgjedhor, vetëm pak kohë para zhvillimit të zgjedhjeve të 25 prillit të vitit 2021, që rezoluta e cilësoi të njëanshëm. Problem tjetër është dhe përdorimi i pushtetit, strukturave dhe burimeve njerëzore nga qeveria, publikimi i database me të dhënat e zgjedhësve.
Së dyti, sundimi i ligjit është problemi tjetër që cënon demokracinë në Shqipëri??, krimi i organizuar, lufta ndaj korrupsionit dhe pandëshkueshmëria gjithashtu.
Së treti, lufta ndaj korrupsionit dhe sjellja e njerëzve të pushtetit para drejtësisë ngelet beteja kryesore e opozitës.
“Ne ishim pro Reformës në Drejtësi në fillim, por tani vërejmë që ajo nuk po implementohet siç duhet”.
Së katërti shpreha shqetësim në lidhje me problemin e ndërtimit, koncensioneve dhe kontratave të lidhura në zonat e mbrojtura, si Butrinti dhe zonën e Vjosë-Nartës.
Shqipëria nuk ka përmbushur kriteret, por ne do bëjmë të pamundurën që të vazhdojë progresi për zhvillimin e konferencës së parë ndërqeveritare, pasi konferenca do të tregojë ku është Shqipëria në procesin e integrimit dhe jo të fshihemi pas vetos bullgare.

  • foto galeri
  • foto galeri
  • foto galeri
  • foto galeri
  • foto galeri
  • foto galeri

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: