Sipas të dhënave të shtabit të Mbrojtjes Civile në Kroaci edhe sot nuk është regjistruar asnjë rast i ri me koronavirusin e ri (COVID-19).
Shtabi i Mbrojtjes Civile nuk ka regjistruar asnjë rast të ri me COVID-19, por njoftoi vdekjen e një personi të prekur nga koronavirusi. Kështu, numri i të vdekurve të regjistruar nga COVID-19, që prej shpërthimit të pandemisë arriti në 101.
Në katër ditët e kaluara, Kroacia ka pasur vetëm një rast të regjistruar me koronavirusin e ri.
Numri i përgjithshëm i pacientëve me COVID-19 ka arritur në 2 244, ku 42 persona janë në spital, pesë prej të cilëve në terapi intensive.