ELBASAN- Kryetarja e Lëvizjes Socialiste për Integrim, Monika Kryemadhi, ka zhvilluar një takim me strukturat e LSI-së për riorganizimn e partisë për zgjedhjet vendore dhe aksionin politik të opozitës.
Në fjalën e saj Kryemadhi tha se “takimi i sotëm është jo vetëm nga ana organizative por për një opozitë më aktive”.
“Axhenda jonë do të jetë një axhendë e shpejtë dhe energjike, prandaj strukturat duhet të jenë energjike dhe të organizuara. Ne duam të evidentojmë jo vetëm problemet në qytete por dhe evidentimin e anëtarësisë e cila është e pakënaqur”, tha ajo.
Po ashtu, Kryemadhi tha se “Elbasani është një nga strukturat më të organizuara të LSI-së. Ne në Elbasan duhet të jemi më të përgatitur për ta hapur partinë, po ashtu do të bashkëpunojmë me strukturat e PD dhe PDIU, për të patur një aksion politik të opozitës së bashkuar”.
(BalkanWeb)
