TIRANE- Në një intervistë për emisionin “Komiteti” të gazetarit Berat Buzhala, Monika Kryemadhi bën rrëfimin e parë në cilësinë e zëvendëskryetares të Lëvizjes Socialiste për Integrim. Ajo tregon për njohjen dhe puthjen e parë me bashkëshortin e saj, Ilir Metën, por edhe një peng që i ka mbetur nga ajo kohë.

“Unë kam hyrë në Partinë Socialiste 5 minuta para Metës, jemi takuar për herë të parë në zyrën e Musa Ulqinit në nëntor 1991 dhe atje kemi filluar angazhimin tonë për takimin kombëtar të FRESSH-it më 15 janar 1992, dhe që këtej kanë filluar në mënyrë natyrale, marrëdhëniet, përplasjet, grindjet, debatet, intrigat politike brenda një forumi rinor, derisa erdhi një moment që në janar të 1994 kurorëzuam puthjen e parë”.

Buzhala: Nëse për diçka i keni borxhe PS-së është njohja me Ilirin…

Kryemadhi: Edhe PS më ka ca borxhe të tjera. Se në vend të bëja dashuri si gjithë moshataret e mia bëja mitingje “Lironi Fatos Nano”. Kështu që jemi të larë.

Sipas saj, “Kur Iliri festoi 45 vjetorin, një nga arsyet që Iliri e bëri ishte se i tha Gramoz Ruçit që ja kemi borxh PS-së një darkë të madhe. Dhe kjo ditëlindje ishte si një lloj respekti për ata socialistë që ishin udhëtarë në historikun tonë të atyre viteve në PS”.
(m.a/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: