Kryeministri i Japonisë, Fumio Kishida është përfshirë në një ngjarje e rëndë, por fatmirësisht pa pasoja për jetën, pasi ndaj tij u hodh një bombë tymi. Një person u ndalua në vendin e ngjarjes në Wakayama, ku Kishida do të mbante një fjalim, raportuan mediat lokale.

Një dëshmitar tha se ata panë një person duke hedhur diçka, që nxirrte tym, ndërsa një tjetër tha se kishte dëgjuar një zhurmë të madhe. Ndërkohë, nuk raportohet për të lënduar. Policia thotë se ka arrestuar një person, ndërsa nuk ka dhënë detaje të tjera.

Transmetuesi publik japonez, NHK, citoi Kishida të thoshte se kishte një “shpërthim të fortë” në vend. “Policia po heton detajet, por unë do të doja të kërkoja falje që shqetësova shumë njerëz dhe u shkaktova telashe.”.

NHK transmetoi pamjet në të cilat turma njerëzish duket se po largohen nga vendi i ngjarjes. Pamjet tregojnë gjithashtu se njerëzit vërshojnë rreth një njeriu, dhe e izolojnë atë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb