Suedia do të merrte një vendim për një anëtarësim të mundshëm në NATO vetëm pas një analize serioze të situatës dhe duke marrë parasysh interesin e saj më të mirë, tha të mërkurën kryeministrja suedeze Magdalena Andersson, shkruan CNN.

“Peizazhi i sigurisë ka ndryshuar plotësisht” pas pushtimit rus të Ukrainës dhe “duke pasur parasysh këtë situatë, ne duhet të mendojmë vërtet se çfarë është më e mira për Suedinë dhe sigurinë tonë dhe paqen tonë në këtë situatë të re,” tha Andersson duke folur së bashku me homologen e saj finlandeze në Stokholm pas një takimi dypalësh.

“Kjo është një kohë shumë e rëndësishme në histori. Ka një ‘para’ dhe një ‘pas 24 shkurtit'”, tha Andersson. “Unë mendoj se ju me të vërtetë duhet të analizoni situatën e re, ta bëni atë shumë seriozisht, të mendoni për pasojat, të mirat dhe të këqijat e të gjitha rrugëve të mundshme përpara.”