Gjatë orëve të natës, policia rrugore ka vijuar kontrollet për të parandaluar aksidentet në autostradën Tiranë-Durrës. Nga kontrollet me radar, siç bën të ditur policia janë ndaluar disa makina luksoze si Porsche Cayenne, Audi Q7 e Benz Evo të cilat lëviznin me shpejtësi marramendëse.
Ndërsa mësohet të jenë penalizuar drejtuesit e këtyre mjeteve (11 lele drejtimi), policia këshillon se një makinë sado luksoze të jetë nuk mund të jetë kurrë garanci për jetën, kur “fluturon” hipur mbi një makinë.
“Shpejtesi qe variojne nga 169 km/h e deri ne 222 km/h ne rrugen interurbane Tirane-Durres dhe ne prezence te ujit ne rruge si pasoje e motit me shi, jane rrezik potencial per jeten dhe sigurine rrugore.
Makinat luksoze Porsche Cayenne, Audi Q7 e Benz Evo nuk bejne perjashtim nga Radari e as nuk jane garanci per te fluturuar por per te udhetuar kendshem duke zbatuar rregullat e qarkullimit rrugor.
Ec ngadale qe te shkosh larg.
Destinacioni me dy apo tre fish shpejtesi mbi normat e lejuara e ne lageshti eshte i rrezikuar ose pothuaj i pamundur”,- këshillon policia.
(m.a/BalkanWeb)