Pasi Komisioni Evropian i paraqiti Këshillit draftin e kornizave të negociatave për Shqipërinë dhe Maqedoninë e Veriut, duke përcaktuar udhëzimet dhe parimet për bisedimet e tyre të pranimit në BE, vjen një reagim nga komisioneri për Zgjerimin i BE, Oliver Varhelyi.
Përmes një mesazhi në ‘TWitter’ Varhelyi theksoi se ky është një hap me rëndësi për dy vendet në rrugën drejt BE-së, ndërsa shtoi se ardhmja e këtyre shteteve është e qartë.
“Një tjetër hap i rëndësishëm për Shqipërinë dhe Maqedoninë e Veriut! Sot ne përshkruajmë kornizat për kryerjen e negociatave të anëtarësimit për të dy vendet. Mezi pres diskutimet nga shtetet anëtare dhe për mbajtjen sa më shpejt të konferencave të para të pranimit”, thuhet në mesazhin e Varhelyit.
(BalkanWeb)
