Kuba emëroi kryeministrin e ri të shtunën pas më shumë se katër dekada që pas shfuqizimit të postit në kohën kur Fidel Castro u bë president.

Ministri i Turizmit Manuel Marrero Cruz, 56 vjeç, u emërua në këtë post nga Asambleja Kombëtare e Pushtetit Popullor, parlamenti legjislativ i Kubës, raportoi “Press Latina”.

Marrero, i cili u propozua për këtë post nga presidenti i Kubës Miguel Diaz-Canel, do të shërbejë për një mandat pesëvjeçar, në përputhje me ndryshimin e ri kushtetues të miratuar në prill.

Diaz-Canel tha më herët se kishte nominuar Marrero-n për kryeministër për shkak të “sinqeritetit” dhe punës së tij efektive të gjatë 16 viteve të tij si ministër i turizmit.

Pas ndryshimit të ri kushtetues, Diaz-Canel u zgjodh presidenti i vendit në tetor.

Në vitin 1976, në kohen e Kastros, u bë një ndryshim kushtetues ku posti i presidentit u ndryshua në Presidentin e Këshillit të Ministrave.

Ndryshimi i ri kushtetues i hapi rrugën vendit për të zgjedhur presidentin e parë pas 43 vitesh.//AA

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb