Policia e Tiranës ka publikuar pamjet nga aksioni për kapjen e shkelësve të qarkullimit rrugor në kryeqytet.

“Droni edukues” i vënë në dispozicion nga policia është për rritjen e sigurisë rrugore duke kontrolluar shoferët e mjeteve në respektimin e rregullave të qarkullimit.

Policia bën me dije se të gjithë shoferët e kapur në pamjet e dronit do të gjobiten me 3000 lekë, për shkak se nuk ka respektuar drejtimin apo korsinë rrugore.

Postimi i Policisë Tiranë:

Një ndër objektivat e “Dronit edukues” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.

Drejtuesit e mjeteve që shfaqen në këtë video kryejnë manovër të gabuar, duke mos respektuar drejtimin apo korsinë e lëvizjes, shkelje e cila ndëshkohet me gjobë deri në 3000 lekë, sipas nenit 152 të Kodit Rrugor.

(BlakanWeb)