TIRANË

Presidenti Ilir Meta ka publikuar mesazhet e shkëmbyera me kryetarin e FRPD, mbështetës i ish-kryeministrit Sali Berisha, Belind Këlliçi, ditën e protestës së 8 janarit para selisë së PD.

Në konferencën e parë për media pas protestës së Berishës te PD, Kreu i Shtetit tregoi publikisht SMS-të me Këlliçin, ku i kërkon këtij të fundit që të mos provokojnë dhe të ruajnë kontrollin.

“Bëj thirrje për ruajtjen e qetësisë, shmangien e akteve të dhunës, provokimeve dhe tensioneve të panevojshme. Është tepër e rëndësishme gjetja e një zgjidhjeje demokratike, që i shërben paqes dhe demokracisë në vend. Kam komunikuar me institucionet ligjzbatuese, edhe me shkrim, edhe me telefon, që të veprojnë për të parandaluar çdo lloj incidenti. I kërkoj falje zotërisë, Belind Këlliçit, se të shtunën në 10:24, kur pashë makinat te oborri i PD, dhe e vlerësova si moment provokativ, ndaj e mora në telefon Këlliçin, nuk ma hapi.

Pastaj më tha “President, sapo mbaruam një mbledhje me të rinjtë”. I them “Kujdes të mos preket asnjë makinë në oborr, se është provokim”. “Po, po”, më thotë ai. 20 minuta para se të hapej dera, i them “Mos humbni kontrollin paqësor të protestës”. “Po”, më thotë. Presidenti nuk bën as lojëra të dyfishta, as të trefishta. Po po kam pasur me SHISH-in kam pasur. Presidenti është i qartë dhe i drejtpërdrejtë. Presidenti dënon dhunën”, tha Presidenti Meta.

  • foto galeri

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb