Nga: ZONJA KATERINA

400 gr miell, 200 gr kos të kulluar, 170 gr vaj, 2 lgj vaj ulliri, 1 lugë pluhur pjekës, ½ lugë sheqer, 1 majë luge kripë, 2 lgj djathë kaçkavall të grirë, 200 gr djathë të bardhë, 2 kokrra vezë

Në një enë hedhim kosin, vajin dhe miellin (mbajmë pak miell mënjëanë). Shtojmë përbërësit e tjerë duke i përzier lehtë derisa të formohet një brumë i butë jo shumë i fortë. E vendosim brumin të mbuluar me pecetë në një ambient të freskët të pushojë.

Thërrmojmë djathin e bardhë dhe e trazojmë me vezën. Më pas hapim brumin në një petë të madhe dhe e presim rrathë rrathë me anë të një gote. Në çdo formë kulaçi vendosim nga një lugë djathë me vezë. I palosim më pas si gjysëm hëne, i shtypim rreth e rrotull me pirun dhe i vendosim në një tavë që nuk ngjit ose në një tavë ku kemi shtruar një letër kuzhine. Sipërfaqen e kulaçkave mund t’i lyejmë me një të verdhë veze dhe i vendosim të piqen në furrë të nxehtë në temperaturën 180 gradë Celsius për 20 minuta. Sipas dëshirës kulaçkat mund ti mbushim jo vetëm me djathë por dhe me llukanik, ullinj dhe erëza.

(er.cu/vila24/BalkanWeb)