Nga: ZONJA ENEIDA
4 kunguj mesatarë
1 domate të pjekur
4 lugë galetë
4 feta proshutë
50 gr djathë kaçkavall
1 vezë
Kripë
Majdanoz
Kungujt i ndajmë në mes dhe u heqim pjesën e brendshme të cilën e presim në copëza të vogla dhe e kalojmë në një tigan me pak vaj ulliri. E heqim dhe e trazojmë me galetën, vezën, proshutën dhe djathin kaçkavall.
Në tigan kalojmë më pas domaten që e kemi grirë në rende bashkë me pak vaj ulliri dhe kripë. E skuqim derisa të avullojë uji që lëshon domatja.
Mbushim kungujt me mbushjen me proshutë dhe lartë i vendosim domatet si dhe pak majdanoz. I pjekim në 200 gradë për 35-40 minuta.