Ashtu siç ishte vendosur më parë nga federata kosovare, ndeshjet e Kupës së Kosovës kanë nisur me një minutë heshtje në nderim të viktimave të shumta që shkaktoi tërmeti i fuqishëm që goditi Shqipërinë më 26 nëntor.
Në të gjitha sfidat lojtarët dhe tifozët kanë shprehur solidaritetin e tyre, ndërsa në tribuna nuk kanë munguar mesazhet e grupimeve të ndryshme të rifozëve. Kështu, ata të skuadrës së Dritës shpalosën një pankartë ku shkruhej:“Derisa të ketë gjithësi, rroftë e shenjta Shqipëri”.