Më shumë se 76 orë pas tërmetit shkatërrues të së hënës që goditi Turqinë jugore, tre persona dolën të gjallë dhe të padëmtuar nga rrënojat në qytetin e Gaziantep pasi të afërmit dhe fqinjët iu bashkuan operacionit të shpëtimit për t’i shpëtuar ata.
Mithat Tabur dhe djemtë e tij Ersin, 30 vjeç dhe Mustafa, 26 vjeç, u shpëtuan nga rrënojat e një pallati tetë-katësh në periferi të Ibrahimlit, ndërkohë që babai me dy djemtë kishin ngecur në një prej dhomave të shtëpisë së tyre. Ndërkohë, gruaja e tij nuk ka mundur të shpëtojë, ndërkohë që ekipet e shpëtimit po përpiqen të nxjerrin trupin e saj nga rrënojat.
Më shumë se 100 njerëz jetonin në ndërtesën e tyre dhe afërsisht një e katërta e banorëve dolën të gjallë.
Omer Kocok, një i afërm i Taburëve, i tha CNN të mërkurën herët se kushërinjtë e tij ishin në gjendje të lidhnin kontakte me ekipet e shpëtimit përmes telefonatave celularë – duke u dhënë atyre shenja jete.
“Ersin ishte ai që na thirri për ndihmë”, tha Omer për CNN. Omeri doli vullnetar për të gërmuar, duke ndihmuar punonjësit e shpëtimit në punën e tyre të mundimshme të shoshitjes së rrënojave. “Është përgjegjësia jonë. Ata do të bënin të njëjtën gjë nëse ne do të ishim në të njëjtën situatë”, tha ai.
(BalkanWeb)
