Buckingham Palace ka publikuar imazhe nga ceremonia e kurorëzimit të mbretit Charles.
Në moshën 74-vjeçare, ai u kurorëzua Mbret i Anglisë dhe pasoi nënën e tij, Mbretëreshën Elizabeth, e cila vdiq shtatorin e kaluar. Camilla, gruaja e Charles III, u kurorëzua mbretëreshë me të menjëherë pas kurorëzimit të monarkut.
Ceremonia historike, e mbajtur në Westminster Abbey, u ndoq nga 2,300 të ftuar, duke përfshirë mbretër dhe mbretëresha nga e gjithë bota, krerë shtetesh dhe figura të rëndësishme nga politika dhe showbiz.
Llogaria zyrtare e Pallatit në Instagram ka postuar një sërë fotosh të reja të realizuara gjatë ceremonisë, si dhe pas përfundimit të saj.
Në shumicën prej tyre, çifti mbretëror shihet të veshur me veshjet e tyre pas kurorëzimit dhe duke buzëqeshur para kamerës, ndërsa në të tjera ata përshëndesin popullin e Britanisë nga ballkoni i Pallatit.
Një video me momente mbresëlënëse nga kurorëzimi i mbretit Charles është publikuar pak orë më parë nga Princi dhe Princesha e Uellsit, të cilët kanë qenë bashkë me fëmijët e tyre në ceremoninë e djeshme.
View this post on Instagram
“Çfarë dite” shkruan Princi William dhe Kate Middleton në video duke falenderuar të gjithë ata që e bënë të veçantë ditën e djeshme.
Në video shfaqen momente nga largimi i tyre nga shtëpia, nga kortezhi për në pallat, por edhe tre fëmijët e familjes.
Princi Xhorxh 9-vjeçar, tani i dyti në radhën e fronit, luajti një rol të rëndësishëm në kurorëzimin përkrah mbretit të ri. Vëmendjen e tërhoqi edhe princesha Charlotte dhe princi Louis.